თბილისიდან გატაცებული აზერბაიჯანელი ჟურნალისტის აფგან მუხთარლის მეუღლე, ლეილა მუსტაფაევა აცხადებს, რომ ჟურნალისტის მდგომარეობა ციხეში უარესდება. 

როგორც მუსტაფაევა Facebook-ის საკუთარ გვერდზე წერს, მუხთარლის მძიმე პირობებში ამყოფებენ. მუსტაფაევას განცხადებით, დაკავებული ჟურნალისტი მიიჩნევს, რომ მის წინააღმდეგ ციხეში პროვოკაციები მზადდება. 

"აფგანს მიაჩნია, რომ მის წინააღმდეგ პროვოკაციები მზადდება. ფული, რომელიც მეგობარმა გაუგზავნა, ამ დრომდე არ მიუღია. არსებობს ინფორმაცია, რომ ყველა აკრძალვა და შეზღუდვა, პრეზიდენტის ილჰამ ალიევის განკარგულების საფუძველზე მოქმედებს და პენიტენციური დაწესებულება არაფერ შუაშია", - წერს მუსტაფაევა. 

ცნობისთვის, აფგან მუხთარლი აზერბაიჯანის ერთ-ერთ ციხეში იმყოფება. სასამართლომ მას 6 წლით თავისუფლების აღკვეთა მიუსაჯა. ჟურნალისტი თბილისიდან 2017 წელს გაიტაცეს. მას საზღვრის უკანონო კვეთა, პოლიციისადმი დაუმორჩილებლო და კონტრაბანდის გადატანა ედება ბრალად. ჟურნალისტი საქართველოში ცხოვროვდა და აზერბაიჯანის ხელისუფლებას, რომელზეც კრიტიკულ სტატიებს წერდა თავს თბილისში ოჯახთან ერთად აფარებდა.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა