საკადრო ცვლილებები, ფაქტობრივად მიმართულია იქითკენ, რომ ტელევიზიის სარედაქციო პოლიტიკა შეიცვალოს - ასე შეაფასა „ერთიანი ნაციონალური მოძრაობის“ წევრმა სალომე სამადაშვილმა რუსთავი 2-დან რამდენიმე წამყვანი ჟურნალისტის გათავისუფლების გადაწყვეტილება.

სალომე სამადაშვილის შეფასებით, შედეგად ქვეყანა თავისუფალი სიტყვის მნიშვნელოვან პლატფორმას დაკარგავს.

„მე ვფიქრობ, ყველასთვის ნათელი იყო, რომ რუსთავი 2, ახალი მფლობელის პირობებში, სარედაქციო დამოუკიდებლობას ვერ შეინარჩუნებდა. ეს პროცესი უკვე დაიწყო. საკადრო ცვლილებები, ფაქტობრივად მიმართულია იქითკენ, რომ ტელევიზიის სარედაქციო პოლიტიკა შეიცვალოს. ეს, ცხადია, კეთდება ირიბად, პირდაპირ ცენზურის დაწესებას ტელევიზიაში ვერ შეძლებდნენ, მაგრამ სწორედ საკადრო ცვლილებებით შეიცვლება და უახლოეს კვირეებში ჩვენ ამას ვნახავთ. რეალურად, ჩვენი ქვეყანა დაკარგავს თავისუფალი სიტყვის ძალიან მნიშვნელოვან პლატფორმას და სიტყვის თავისუფლებას ძალიან დიდი დარტყმა მიადგება“, - განაცხადა სალომე სამადაშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს

უკრაინა და რუსეთი 3000-მდე სამხედრო ტყვეს გაცვლას გეგმავენ

Nvidia-მ დამოუკიდებელი გამოძიება დაიწყო მისი აღმასრულებელი დირექტორის ჩინეთის დაზვერვასთან სავარაუდო კავშირებთან დაკავშირებით

მეუფე იობი -კორუფცია ყვავის საქართველოში, აღებ-მიცემობაა