რუსეთის დედაქალაქ მოსკოვში, ოპოზიციის მხარდამჭერი აქცია მიმდინარეობს, - ამის შესახებ ტელეკომპანია "დოჟდი" იუწყება. 

მედია საშუალების ინფორმაციით, აქციაში ათასობით ადამიანი მონაწილეობს. ადგილზე დიდი რაოდენობით სამართალდამცველია მობილიზებული. 

მედიის ცნობით, აქციის დაწყებამდე პოლიციამ ოპოზიციონერი პოლიტიკოსი ლუბოვ სობოლი დააკავა. აღსანიშნავია, რომ სობოლი აქციის ერთ-ერთი ორგანიზატორია. ის სამართალდამცველებმა საარჩევნო შტაბთან აიყვანეს. მას ბრალი წესრიგის დარღვევასა და აქციის დაგეგმვაში ედება.

პოლიცია ადგილზე სეკრებილებს აფრთხილებს, რომ აქცია არასანქცირებულია. გარდა ამისა, მიმდებარე ტერიტორიაზე ქსელის პრობლემაა.

"დოჟდი" წერს, რომ პოლიციამ 350-ზე მეტი ადამიანი დააკავა.

შეგახსენებთ, რომ მომიტინგეები მოსკოვის საკრებულოს არჩევნებში დამოუკიდებელი დეპუტატების მონაწილეობას ითხოვენ. კერძოდ, რამენიმე დამოუკიდებელ და ოპოზიციონერ კანდიდატს უფლება შეეზღუდა, რომ არჩევნებში მონაწილეობა მიეღოთ. აღნიშნულმა ფაქტმა მოქალაქეებში პროტესტი გამოიწვია და აქცია სწორედ ამის შემდეგ დაიგეგმა. აქციები მოსკოვში უკვე მესამე შაბათია იმართება. წინა აქციის დროს, პოლიციამ 600-ზე მეტი ადამიანი დააკავა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა