„თიბისი ბანკის“ დამფუძნებლები, მამუკა ხაზარაძე და ბადრი ჯაფარიძე ანაკლიის განვითარების კონსორციუმში თანამდებობებს ტოვებენ.

ამის შესახებ ხაზარაძემ სასამრთლოში შესვლამდე ჟურნალისტებს განუცხადა.

როგორც მან განმარტა, თანამდებობების დატოვების გადაწყვეტილება იმის გამო მიიღეს, რომ ანაკლიის პროექტი არ გაჩერდეს.

„მე და ბადრი ჯაფარიძემ გადაწყვიტეთ, რომ მომავალ კვირას გვექნება პრესკონფერენცია, შევცვლით ანაკლიის მმართველ საბჭოს, გადავიწევით უკანა პლანზე. ჩამოვშორდები მე თავმჯდომარეობას და ბადრი თავმჯდომარის მოადგილეობას, რათა ერთხელ და სამუდამოდ დამთავრდეს სპეკულაცია, რომ ჩვენ რაღაცას ვეფარებით. ამას ვაკეთებთ მხოლოდ იმის გამო, რომ ეს პროექტი არ გაჩერდეს და მერე ვინმემ არ დაგვაბრალოს, რომ „თქვენს გამო სასიცოცხლო პროექტი გაჩერდა“. შეუძლებელია ამ პირობებში ელაპარაკო ბანკებს 650 მილიონი დოლარის ინვესტიციაზე და ყოველდღე, პროკურატურა ასე სახალხოდ გიყენებდეს ასეთ ბრალდებებს“, - განაცხადა მამუკა ხაზარაძემ.

შეგახსენებთ, ანაკლიის მმართველი საბჭოს გარდა, ხაზარაძემ და ჯაფარიძემ „თიბისი ბანკის“ დირექტორთა საბჭოს ხელმძღვანელების თანამდებობებიც დატოვეს.

ავტორი: ექსპრესნიუსი,

სოციალური ქსელები

ევროკავშირი უკრაინას Starlink-ის ალტერნატივას შესთავაზებს

Toyota Center Tegeta-ს ოფროუდტური - ახალი გამოცდილება 4X4 ავტომობილების მოყვარულებისთვის

პენიტენციური სამსახური ამტკიცებს, რომ პატიმარი საწოლის მეორე სართულიდან გადმოვარდა, პირქვე დაეცა და გარდაიცვალა

სააკაშვილი- უნიათო დიქტატორი პარტიებს ვერ აკრძალავს