2019-07-19 16:17:25, 4220 ნახვა
მსოფლიო
საბერძნეთში ძლიერი მიწისძვრა მოხდა
საბერძნეთის 5.1 მაგნიტუდის სიმძლავრის მიწისძვრა მოხდა, - ამის შესახებ BBC იუწყება.
მედია საშუალების ინფორმაციით, მიწისძვრის გამო, ათენის ნაწილი ელექტროენერგიის გარეშე დარჩა. მიწისძვრის ეპიცენტრი დედაქალაქიდან 22 კილომეტრში იყო.
მსხვერპლის და შესაძლო ნგრევის შესახებ ინფორმაცია ამ ეტაპზე არ გავრცელებულა.
თვითმხილველების თქმით, მიწისძვრის დროს ასობით ადამიანი შენობებიდან გამორბოდა. მაღალი ნაგებობებიდან მოქალაქეების ევაკუაცია განხორციელდა.
მედიის ცნობით, 1999 წლიდან ეს პირველი მიწისძვრაა, რომელიც ათენში იგრძნობოდა.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
