ხალვაში: ნიკა გვარამიას ნაცვლად კომპანიას ჩემი ადვოკატი პაატა სალია უხელმძღვანელებს

2019-07-18 13:30:36, 1237 ნახვა

კომენტარი

"რუსთავი 2"-ის მფლობელია ქიბარ ხალვაშის ინფორმაციით, ტელეკომპანიის გენერალური დირექტორის თანამდებობას მისი ადვოკატი პაატა სალია დაიკავებს.

ხალვაშის თქმით, ეს იქნება ერთადერთი ცვლილება არხის საქმიანობაში. მანვე დასძინა, რომ ნიკა გვარამია ტელეკომპანიაში მუშაობას ვერ გააგრძელებს.

"ნიკა გვარამიას ნაცვლად კომპანიას უხელმძღვანელებს ჩემი ადვოკატი პაატა სალია, რომელსაც პირველ ეტაპზე ვუსაზღვრავ მკაფიო ამოცანას - უზრუნველყოს არხის შეუფერხებელი მუშაობა და ამავდროულად, მოახდინოს კომპანიაში არსებული ფინანსური ვითარების შესწავლა, რისთვისაც მოიწვიოს მაღალი რეპუტაციის მქონე საერთაშორისო აუდიტორული კომპანია", - განაცხადა ქიბარ ხალვაშმა.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან