2019-07-17 15:02:36, 1595 ნახვა

---

კობახიძე: კოალიციური მთავრობა შეიძლება ჩამოყალიბდეს ნებისმიერ ისეთ ძალასთან, რომელსაც სახელმწიფოებრივი აზროვნება აქვს

„პროპორციული წესით არჩევნების ჩატარებისას კოალიციური მთავრობის შექმნის ალბათობა მატულობს“, - ამის შესახებ პარლამენტის ყოფილმა თავმჯდომარემ, „ქართული ოცნების“ აღმასრულებელმა მდივანმა, ირაკლი კობახიძემ  ჟურნალისტებს განუცხადა. 

როგორც მან აღნიშნა, მმართველმა გუნმდა შესაძლოა ითანამშრომლოს ნებისმიერ ისეთ ძალასთან, რომელსაც სახელმწიფოებრივი აზროვნება, მიზნები და ამოცანები აქვს.

„შემდეგი არჩევნები ჩატარდება პროპორციული სისტემით თან ნულოვანი ბარიერის პირობებში. ასეთ დროს ბუნებრივია ძალიან მაღალი ალბათობით ყალიბდება კოალიციური მთავრობა. კოალიციური მთავრობა შეიძლება ჩამოყალიბდეს ნებისმიერ ისეთ ძალასთან ერთად, რომელსაც აქვს სახელმწიფოებრივი აზროვნება, მიზნები და ამოცანები. ბუნებრივია, ამ მიდგომით ჩამოყალიბდება კოალიცია“, - განაცხადა ირაკლი კობახიძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი