2019-07-17 13:58:09, 1674 ნახვა
კომენტარი
ივანიშვილი - „რუსთავი 2“-ის საქმეზე სტრასბურგის სასამართლოს ნებისმიერ გადაწყვეტილებას ანგარიშს გავუწევთ
რუსთავი 2-ის საქმეზე სტრასბურგის სასამართლოს ნებისმიერ გადაწყვეტილებას ჩვენ ანგარიშს გავუწევთ, - ამის შესახებ პარტია „ქართული ოცნების“ თავმჯდომარე ბიძინა ივანიშვილმა ჟურნალისტებს განუცხადა.
მისი თქმით, ხელისუფლება სტრასბურგის სასამართლოს გადაწყვეტილებას პატივს სცემს.
„ჩვენი ხელისუფლება, რომელიც ძირითადად დაკომპლექტებულია „ქართული ოცნების“ წევრებისგან, აბსოლუტურად პატივს სცემს სტრასბურგის სასამართლოს გადაწყვეტილებას. ნებისმიერი გადაწყვეტილება, რომელიც იქნება სტრასბურგის სასამართლოს მიერ მიღებული, ჩვენ პატივს ვცემთ და ანგარიშს გავუწევთ“, – განაცხადა ბიძინა ივანიშვილმა.
ავტორი: ექსპრესნიუსი,
epn.ge (@expressnews.ge)
