2019-07-15 18:30:58, 2268 ნახვა
კომენტარი
კახიძე პოლიციელის დაკავებაზე: ბრძანების გამცემი ხელს რიგითებს აწმენდს
"ევროპული საქართველოს" რთ-ერთი ლიდერი ოთარ კახიძე 20-21 ივნისს, აქციის დაშლისას უფლებამოსილების გადამეტების ბრალდებით შსს-ს 1 თანამშრომლის დაკავების ფაქტს ეხმაურება.
როგორც პარლამენტის დეპუტატი Facebook-ის საკუთარ გვერდზე წერს, ერთი რიგითი პოლიციელის დაკავება იმ პირობებში, რომ შს მინისტრი გიორგი გახარია ისევ თანამდებობაზეა, თვალებში ნაცრის შეყრაა.
"პროკურატურამ ძალის გადამეტებისთვის პოლიციელი დააკავა, მაგრამ პოლიციის კანონიერ მუშაობაზე პოლიტიკურად პასუხისმგებელი მინისტრი კვლავ თანამდებობაზეა. ბრძანების გამცემი ხელს რიგითებს აწმენდს. უფრო სწორად, რიგითს, მხოლობით რიცხვში. ნაცარს ნუ გვაყრით თვალებში. გადადგეს შს მინისტრი!", - წერს კახიძე.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
