ძაღლი, რომელსაც დუშეთის რაიონის სოფელ ჭოპორტში ხელკეტით ყბის ძვლები ჩაუმსხვრიეს, გადარჩა.

ინფორმაციას და ვიდეოს მამა სებასტიან ნეფარიძე ავრცელებს, რომელმაც ჰასკი დედაღვთისას მონასტერში მოსავლელად წაიყვანა.

„ყბა ჩალეწილი ჰასკი რომელიც მე შევიფარე დამოუკიდებლად ჭამს საჭმელს მადლობა ბატონ თამაზს რომლის დამსახურებაცაა ამ ჰასკის გადარჩენა“, - წერს მამა სებასტიანი.

ვიდეოს  თამაზ ელიზბარაშვილის ძაღლთა თავშესაფარიც გამოეხმაურა, რომელმაც ნაწამებ ჰასკზე ინფორმაცია თავდაპირველად გაავრცელა.

„სასწაული მოხდა! დღეს მამა სებასტიანემ დედაღვთისას მონასტრიდან გამოგვიგზავნა ვიდეო, სადაც ცნობილი ჭოპორტელი ყბა მოტეხილი ჰასკი საჭმელს დამოუკიდებლად ჭამს. სად არ გვყავდა და რომელ ექიმს არ ვაჩვენეთ , ყველამ გვითხრა რომ ძაღლს ქვედა ყბა ისე აქვს ჩალეწილი სასწაული უნდა მოხდეს, რომ თავისით შეძლოს ჭამა. ეს სასწაული მამა სებასტიანემ მოახდინა . დიდება უფალო შენ ძალას“, - წერს თამაზ ელიზბარაშვილის ძაღლთა თავშესაფარი  Facebook-ზე.

შეგახსენებთ,  რომ ჰასკის წამების თაობაზე  საქართველოს შინაგან საქმეთა სამინისტრომ გამოძიება 259-ე მუხლის პირველი ნაწილით დაიწყო, რაც ცხოველის წამებას ან მისდამი სასტიკ მოპყრობას გულისხმობს.

ვიდეო

ავტორი: ექსპრესნიუსი,

სოციალური ქსელები

მსურს კუბასთან საქმეების მოგვარება - ტრამპმა სამხედრო ძალის გამოყენება დაუშვა

ტრამპმა სენატს მოუწოდა, დაუყოვნებლივ დაამტკიცოს პენტაგონისთვის დამატებით 350 მილიარდი დოლარის გამოყოფა

იენსენ ჰუანგის სკანდალის გამო, Nvidia-ს აქციებმა საბაზრო კაპიტალიზაცია 515 მილიარდი დოლარი დაკარგა

5-5 წლით პატიმრობა მიუსაჯეს 2 სპეცრაზმელს დემონსტრანტ მაისაშვილზე ძალადობის საქმეზე