2019-07-10 18:05:45, 1477 ნახვა
საზოგადოება
„რუსთავი 2“-ის 9%-იანი წილის მფლობელი ნიკა გვარამიას გადაყენებას ითხოვს
„რუსთავი 2“-ის ინფორმაციით, ტელეკომპანიის 9%-იანი წილის მფლობელი, ნინო ნიჟარაძე არხის გენერალური დირექტორის ნიკა გვარამიას გადაყენებას ითხოვს.
პარტნიორთა კრებას, რომელიც ამ წუთებში მიმდინარეობს, ნინო ნიჟარაძის პრეტენზიებს მისი ადვოკატი აცნობს.
9%-იანი წილის მფლობელს თავად გვარამიაც გამოეხმაურა.
„აგერ, მთლად ვის საკუთრებასაც ვიცავ, ის მიპირებს გადაყენებას, თან სარედაქციო პოლიტიკისთვის. პუტინის გინებისთვის გადაყენების წინააღმდეგი დიდად არ ვიქნები, შვილიშვილებს მოვუყვები - იმათ მაინც ხომ ეცოდინებათ, რომ ურჩხულს ვებრძოდი და მათი სამშობლოს მტერს, და არა კეთილს და ქართული ეკონომიკის გადამრჩენ“, - წერს გვარამია facebook-ის საკუთარ გვერდზე.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
