პარლამენტის იურიდიულ საკითხთა კომიტეტის თავმჯდომარე, ანრი ოხანაშვილი ძალადობრივი და ჰომოფბოური ჯგუფის მოთხოვნებს ემხაურება.

 როგორც ოხანაშვილმა აღნიშნა, საპარლემენტო უმრავლესობა კონსულტაციებისთვის მზადაა.

თუმცა, მისივე განმარტებით, რომ რაღაც კანონი უნდა გაუქმდეს, სწორი მიდგომა არაა.

„ერთის მხრივ მესმის გარკვეული ადამიანების პოზიციები, თუკი მათ კონკრეტულ საკითხებთან დაკავშირებით აქვთ განსხვავებული პოზიცია. თუმცა, ჩვენი ყველას ამოცანაა დავიცვათ ნებისმიერი ჯგუფი იმისგან, რომ არ გახდნენ მსხვერპლი კონკრეტული პირების ქმედებებისა. შესაბამისად, თუ ვინმეს რაიმე საკითხის განხილვა სურს, ჩვენ ამისთვის მზად ვართ, თუმცა ამ ფორმით საუბარი, რომ რაღაც კანონი უნდა გაუქმდეს და ასე შემდეგ, მე ვფიქრობ, ეს არ არის სწორი მიდგომა. ეს არ შეუწყობს ხელს დიალოგს და არ შეუწყობს ნებისმიერ საკითხზე სხვა ადამიანებთან მსჯელობას ხელს. აქედან გამომდინარე, თუკი ვინმეს სურს კონკრეტულ საკითხთან დაკავშირებით კონსულტაციები და დიალოგი, რა თქმა უნდა, ჩვენ ამისთვის მზად ვართ.

რაც შეეხება, არჩილ თალაკვაძეს, არ მგონია რამე პრობლემას ხედავდეს ვინმესთან შეხვედრაში. შესაბამისად, ეს საკითხი არის კონკრეტულად მისი გადასაწყვეტი და ამასთან დაკავშირებით, ის თვითონაც გასცემს ამაზე მედიას პასუხს“, - განაცხადა ანრი ოხანაშვილმა.

შეგახსენებთ, რომ ძალადობრივი ჯგუფის ხელმძღვანელმა ლევან ვასაძემ გუშინ, ანტიდისკრიმინაციული კანონის გაუქმებისა და პარლამენტის თავმჯდომარესთან შეხვედრს მოითხოვა.  

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება