2019-07-06 18:05:19, 2030 ნახვა
სამართალი
გია ბარამიძე სასამართლოში ჩვენებას აძლევს
თბილისის საქალაქო სასამართლოში "ნაციონალური მოძრაობის" წევრის გია ბარამიძის გამოკითხვა მიმდინარეობს.
ბარამიძე ჩვენებას ამბოხებისა და ხელისუფლების დამხობის მუხლით დაწყებული გამოძიების ფარგლებში აძლევს. მისი გამოკითხვა მაგისტრი მოსამართლის თანდასწრებით ხორციელდება.
გიორგი ბარამიძე სასამართლოში ადვოკატის გარეშე, თანაგუნდელებთან ერთად მივიდა.
შეგახსენებთ, გენერალურმა პროკურატურამ გამოკითხვაზე გია ბარამიძის გარდა, „ევროპული საქართველოს“ წევრი გიგი უგულავა და „გამარჯვებული საქართველოს“ ლიდერი ირაკლი ოქრუაშვილიც დაიბარა. როგორც ცნობილია, გიგი უგულავას მაგისტრი მოსამართლე დაკითხავს. რაც შეეხება ირაკლი ოქრუაშვილს, იგი საფრანგეთში იმყოფება და აცხადებს, რომ საჭიროების შემთხვევაში გამოძიებას ჩვენებას დისტანციურად მისცემს.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
