2019-07-02 19:23:12, 1765 ნახვა
სამართალი
„სვეტის“ დამფუძნებელს 8 წლით, გენერალურ დირექტორს კი, 6 წლითა და 6 თვით პატიმრობა შეეფარდა
თბილისის საქალაქო სასამართლომ სამშენებლო კომპანია „სვეტის“ ხელმძღვანელი პირები დამნაშავედ ცნო.
სასამართლოს გადაწყვეტილებთ, კომპანიის დამფუძნებელ გივი ჯიბლაძეს 8 წლით თავისუფლების აღკვეთა შეეფარდა, ხოლო გენერალურ დირექტორს, თორნიკე ჯანელიძეს - 6 წლითა 6 თვით.
შეგახსენებთ, ფინანსთა სამინისტროს საგამოძიებო სამსახურის თანამშრომლებმა, სამშენებლო კომპანია ,,სვეტის“ ხელმძღვანელი პირები - გივი ჯიბლაძე და თორნიკე ჯანელიძე 3 ოქტომბერს დააკავეს. მათ ბრალი სისხლის სამართლის კოდექსის 180-ე მუხლის მე-3 ნაწილით გათვალისწინებული დანაშაულის ჩადენისთვის წაუყენეს (თაღლითობა, სამსახურებრივი მდგომარეობის გამოყენებით დიდი ოდენობით მართლსაწინააღმდეგო მისაკუთრების მიზნით სხვისი ნივთის დაუფლება მოტყუებით).
ავტორი: ექსპრესნიუსი,
epn.ge (@expressnews.ge)
