2019-07-02 16:28:24, 1447 ნახვა
კომენტარი
გოგიჩაიშვილი - გავიგე გახარიას ხერხემალი უწოდეს, იგივეს მერაბიშვილზეც ამბობდნენ
პარლამენტის დამოუკიდებელი დეპუტატი და "ქართული ოცნების" ყოფილი წევრი ლევან გოგიჩაიშვილი, მიიჩნევს, რომ შს მინისტრმა გიორგი გახარიამ თანამდებობა უნდა დატოვოს.
როგორც გოგიჩაიშვილი "კურიერთან" საუბარში აცხადებს, გახარიას შეცდომები არა მხოლოს 20-21 ივნისის ღამეს, არამედ სხვა სპეცოპერაციების დროსაც აქვს დაშვებული.
„ერთ-ერთი კოლეგისგან მოვისმინე ძალიან შემაშფოთებელი ფრაზა, რომ ბატონი გიორგი არისო, ჩვენი ხერხემალიო. მე მახსოვს ეს ფრაზები 2007 წელს, როდესაც ზუსტად იმავე ტექსტებით საუბრობდა „ნაციონალური მოძრაობა“ ვანო მერაბიშვილზე. ის, რაც იმ ღამეს გააკეთა ხელისუფლებამ და მანამდე რა შეცდომებიც დაუშვა, იგივე ჩავარდნილი ოპერაცია პანკისში, პირადად მე ამდენი შეცდომა რომ დამეშვა, გადავდგებოდი“, - აცხადებს ლევან გოგიჩაიშვილი.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
