“ძალიან მინდა ახლა თქვენ გვერდით დგომა. თქვენ დგახართ მანდ და აპროტესტებთ იმას, რაც გამიკეთეს. - პარლამენტის შენობის წინ მიმდინარე აქციის მონაწილეებს, 21 ივნისს დაშავებულმა მაკო გომურმა მიმართა.

""მინდა გითხრათ, რომ ძალიან ბევრი ადამიანი გაგვლანძღავს. ჩვენზე იტყვის ცუდს. მაგალითად, ორი საათის წინ, ვინმე შოთა აფხაიძემ ტვინგამორეცხილი LGBT პირი მიწოდა. არ მინდა, ასეთმა ფაქტებმა ბრძოლის უნარი დაგაკარგინოთ, თქვენ რომ გაქვთ ბრძოლის უნარი, მერე მე ეს მაძლევს ბრძოლის უნარს და ამით მაქვს ძალა, რომ თქვენ გხედავთ, როგორ იბრძვით ჩემთვის და ყველა ჩვენგანისთვის. ჩემთვის თქვენ ხართ გმირები იმიტომ, რომ არ ნებდებით, არ ნებდებით არც ერთი წუთი... მინდა იცოდეთ, რომ მე მჯერა თქვენი. მჯერა იმის, რისთვისაც დგახართ მანდ... მანდ სამშობლოს გამო დგახართ, უსამართლობის გამო, რაც მოხდა 20 ივნისს... ვინც დავშავდით, მინდა, ვიყოთ ბოლო ადამიანები, რომლებიც დაგვასახიჩრეს 20 ივნისის ღამეს... თუ ვიღაც დღეს ჩვენზე ამბობს ცუდს, იმიტომ ამბობს, რომ ვერ ხედავს იმ უსამართლობას, რაც ხდება. მინდა, რომ თავისუფალ და დალაგებულ ქვეყანაში ვიცხოვროთ ყველამ ერთად", — მიმართა მაკომ აქციის მონაწილეებს.

ავტორი: ექსპრესნიუსი,

სოციალური ქსელები

ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს

უკრაინა და რუსეთი 3000-მდე სამხედრო ტყვეს გაცვლას გეგმავენ

Nvidia-მ დამოუკიდებელი გამოძიება დაიწყო მისი აღმასრულებელი დირექტორის ჩინეთის დაზვერვასთან სავარაუდო კავშირებთან დაკავშირებით

მეუფე იობი -კორუფცია ყვავის საქართველოში, აღებ-მიცემობაა