2019-06-24 20:02:55, 1742 ნახვა
სამართალი
რიყეზე მომხდარ უბედურ შემთხვევაზე შსს-მ გამოძიება ორი მუხლით დაიწყო
თბილისში, რიყეზე მომხდარ უბედურ შემთხვევასთან დაკავშირებით, შინაგან საქმეთა სამინისტრომ გამოძიება სისხლის სამართლის კოდექსის 2 მუხლით დაიწყო.
კერძოდ, როგორც „ექსპრესნიუსს“ უწყებაში განუცხადეს, გამოძიება სსკ-ის 124 და 116-ე მუხლებით მიმდინარეობს, რაც გაუფრთხილებლობით ჯანმრთელობის ნაკლებად მძიმე ან მძიმე დაზიანებას და გაუფრთხილებლობით სიცოცხლის მოსპობას გულისხმობს.
ცნობისთვის, რიყეზე სამი პირი სიმაღლიდან გადმოვარდა, რის შედეგადაც 1 ადგილზე დაიღუპა, 2 კი, დაშავდა. დაშავებულები სასწრაფო სამედიცინო დახმარების ეკიპაჟმა საავადმყოფოში გადაიყვანა. გარდაცვლილი სავარაუდოდ, უცხო ქვეყნის მოქალაქეა.
ავტორი: ექსპრესნიუსი,
epn.ge (@expressnews.ge)
