„ხელისუფლებამ გამოავლინა ძალადობრივი სახე და ამ ხელისუფლება არ აქვს უფლება მართოს ქვეყანა“, - ამის შესახებ „ერთიანი ნაციონალური მოძრაობის“ წევრმა, რომან გოცირიძემ ჟურნალისტებს განუცხადა.

როგორც დეპუტატმა აღნიშნა,  ოპოზიციის ლიდერები სამოქმედო გეგმაზე მსჯელობენ და გადაწყვეტენ რა მოთხოვნები ექნებათ სამომავლოდ.

„მიდის პირდაპირი ნადირობა ადამიანებზე. ასეულობით დაჭრილი და დაზიანებული ადამიანები კლინიკებში არიან მოთავსებული. გვქონდა იმედი, რომ კრიზისი განმუხტვა შესაძლებელი იყო პოლიტიკური გზით. განვაცხადეთ,რომ უნდა გადამდგარიყო პარლამენტის თავმჯდომარე, მისი გადაყენებაც კი არ მოინდომა ხელისუფლებამ. ხელისუფლებამ ჩაიდინა არნახული დანაშაული. ამ ბარბაროსობის შემდეგ დღის წესრიგში სხვა ამოცანები დგას უკვე. ხელისუფლებამ გამოავლინა ძალადობრივი სახე და ამ ხელისუფლება არ აქვს უფლება მართოს ქვეყანა. ვიკრიბებით, სადაც არიან პოლიტიკური ლიდერები და გადავწყვეტთ როგორი გეგმები იქნება ხვალიდან. ხელისუფლებას აღარ აქვს არც მორალური და არც სამართლებრივი საფუძველი დარჩეს ხელისუფლებაში“,  - განაცხადა რომან გოცირიძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს

უკრაინა და რუსეთი 3000-მდე სამხედრო ტყვეს გაცვლას გეგმავენ

Nvidia-მ დამოუკიდებელი გამოძიება დაიწყო მისი აღმასრულებელი დირექტორის ჩინეთის დაზვერვასთან სავარაუდო კავშირებთან დაკავშირებით

მეუფე იობი -კორუფცია ყვავის საქართველოში, აღებ-მიცემობაა