ლომჯარია: საზოგადოების პროტესტი და მღელვარება სამართლიანია, მაგრამ ძალადობა მიუღებელია

2019-06-20 23:57:41, 945 ნახვა

პოლიტიკა

„საზოგადოების პროტესტი და მღელვარება სამართლიანია, მაგრამ ძალადობა მიუღებელია!“ - ამის შესახებ სახალხო დამცველმა, ნინო ლომჯარიამ facebook-ის საკუთარ გვერდზე დაწერა.

ომბუდსმენი ხელისუფლებას მოუწოდებს, გადადგას ადეკვატური ნაბიჯები და დროულად გამოკვეთოს პასუხისმგებელი პირები.

„შევახსენებ აქციის მონაწილეებს, რომ აქციის დროს ძალადობა ცდება შეკრების და გამოხატვის თავისუფლების ფარგლებს! მოვუწოდებ ხელისუფლებას, რომ გადაიდგას ადეკვატური ნაბიჯები და დროულად გამოიკვეთოს პასუხისმგებელი პირები, რათა ჩაცხრეს ემოციური ფონი და თავიდან იქნეს არიდებული დაპირისპირება!“ - წერს ნინო ლომჯარია.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან