შსს-მ „რუსთაველის“ მეტროში მომხდარ ინციდენტზე გამოძიება ხულიგნობისა და ძალადობის მუხლებით დაიწყო

2019-06-20 10:00:47, 1374 ნახვა

სამართალი

შინაგან საქმეთა სამინისტრომ თბილისში, „რუსთაველის“ მეტროში მომხდარ ინციდენტზე გამოძიება სსკ-ის ორი მუხლით დაიწყო.

უწყების ცნობით, გამოძიება საქართველოს სსკ-ის 126-ე მუხლის მე-2 ნაწილის "ზ" ქვეპუნქტით და 239-ე მუხლის 1-ლი ნაწილით მიმდინარეობს, რაც რასობრივი, რელიგიური, ეროვნული ან ეთნიკური შეუწყნარებლობის ნიადაგზე ჩადენილ ძალადობას და ხულიგნობას გულისხმობს. დანაშაული 6 წლამდე ვადით თავისუფლების აღკვეთას ითვალისწინებს.

შეგახსენებთ, რომ „რუსთაველის“ მეტროში ორ ახალგაზრდა მამაკაცს გუშინ ფიზიკურად გაუსწორდნენ. ერთ-ერთი ვერსიით, შელაპარაკება ფიზიკურ დაპირისპირებაში გადაიზარდა, ჩხუბის დროს ერთ-ერთი მამაკაცი ყვიროდა, რომ „ქართველ კაცს საყურე არ უხდება“.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან