კარპენტერი: ერთ დღეს შესაძლოა, ქართველებმა გაიღვიძონ და ქვეყნის 20%-ის ნაცვლად, 100% დახვდეთ ოკუპირებული

2019-06-19 14:07:27, 1882 ნახვა

პოლიტიკა

ამერიკის შეერთებული შტატების თავდაცვის მდივნის ყოფილი მოადგილე მაიკლ კარპენტერი მიიჩნევს, რომ საქართველოს ხელისუფლება რუსეთთან ღია კარის პოლიტიკას არასწორად წარმართავს.

ამის შესახებ კარპენტერმა Twitter-ის საკუთარ გვერდზე დაწერა.

"საქართველოში სამი დღე გავატარე. არ ვარ დარწმუნებული, რომ ხელისუფლებას რუსეთთან არსებული “ღია კარების” პოლიტიკის შედეგი ესმის. საქართველოში ბევრი რუსი "ტურისტია" (ძირითადად ФСБ), აგრეთვე ქართული მიწის დიდ ნაწილს რუსი ბიზნესმენები ყიდულობენ. ერთ დღეს შესაძლოა ქართველებმა გაიღვიძონ და ქვეყნის 20%-ის ნაცვლად, 100% დახვდეთ ოკუპირებული", - წერს კარპენტერი.

Just spent 3 days in Georgia ????????. I’m not sure the gov fully understands the implications of its open door policy with Russia. With so many “tourists” (ehem FSB) & so much land being bought up by Russian businessmen, they may wake up one day and find not 20% but 100% occupied.
— Michael Carpenter (@mikercarpenter) June 18, 2019