შინაგან საქმეთა სამინისტრომ, 14 წლის გოგონას საქმეზე, რომელიც კომატოზურ მდგომარეობაში იმყოფება, გამოძიება დაიწყო. 

როგორც "ექსპრესნიუსს" შსს-ში განუცხადეს, გამოძიება სსკ-ის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.

„პოლიციამ 9 ივნისს, საავადმყოფოდან მიიღო შეტყობინება არასრულწლოვანის ჯანმრთელობის მძიმე მდგომარეობის შესახებ. სისხლის სამართლის კოდექსის 115-ე მუხლით (თვითმკვლელობამდე მიყვანა) დაუყოვნებლივ დაიწყო გამოძიება. გამოძიების ფარგლებში, ჩატარდა მეზობლების, არასრულწლოვანის ოჯახის წევრების და ყველა იმ პირის გამოკითხვა, რომლებსაც გამოძიებისთვის შესაძლოა საინტერესო ინფორმაცია ჰქონოდა. დაინიშნა არასრულწლოვანის საკომუნიკაციო საშუალებების (მობილურის და კომპიუტერული ტექნიკის) ტექნიკური ექსპერტიზა, აღებული იქნა ბიოლოგიური მასალის სინჯები და ტარდება ქიმიური ექსპერტიზა. ინტენსიურ რეჟიმში მიმდინარეობს საგამოძიებო მოქმედებები,” - აცხადებენ უწყებაში. 

ამასთან, როგორც მოზარდის დედა „რუსთავი2“-თან საუბრისას აცხადებს, მოზარდის მოწამვლა სავარაუდოდ, სახიფათო თამაშს „ლურჯ ვეშაპს“ უკავშირდება.

„ყველა მეუბნებოდა, რომ არის დეპრესიაში ბავშვი, გვხვდება და ვითომ ვერ გვხედავს. მე მეუბნებოდა, დედიკო შენ ხომ არაფერი დაგემართება? არა, დედიკო, მე რა უნდა დამემართოს. დედა, მე რომ რამე დამემართოს, ხომ არ მოვკვდები., ვგრძნობ, რომ უბედურება მელოდება, მეუბნებოდა. ფსიქოლოგთან წამიყვანე, დეპრესიაში ვარო. კარგი დედიკო, წაგიყვან-თქო. პარასკევს ჩამოვედი ზედა სართულიდან საძინებელში, რომ შევედი, ტელეფონი ეჭირა. ხელში ეჭირა ტელეფონი, გოგო, გაკვეთილები აიღე-მეთქი, ვუთხარი, დავინახე, რომ რაღაც თამაში იყო, ეს და გამორთო უცებ“, - განაცხადა მოზარდის დედამ, ინგა ბურდულმა. 

გოგონას მამის გიორგი ჭახელიძის თქმით, ამ დრომდე ბიოქიმიური ანალიზი არ ჩატარებულა და ექიმებმა არ იციან, რით მოიწამლა მოზარდი. 

როგორ შეიძლება უმკურნალო ადამიანს და მისცე წამალი, როცა არ იცი, საწამლავის სახელი. ჩაერია ხალხი, ტელევიზია და უკვე ამის შემდეგ კეთილი იბოძეს და აკეთებენ ბიოქიმიურ ანალიზს. თქვენ რომ არ მოსულიყავით გუშინ, დღესაც არ ჩატარდებოდა ბავშვის ბიოქიმიური ანალიზი და არავინ გამოიკვლევდა იმას, რა ნივთიერებითაა მოწამლული“, - განაცხადა ბავშვის მამამ. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

საფრანგეთის საპრეზიდენტო არჩევნების ლიდერები - პირველ ადგილს პოპულისტი მემარჯვენე ლეპენია

პროკურატურა - თბილისში, ერთ-ერთ რესტორანში, ვატო ყიფიანი, ავთანდილ ბილანიშვილი და შოთა ყიფიანი ფიზიკურად გაუსწორდნენ დაზარალებულს

საქართველოს ბანკი მსოფლიოში საუკეთესო AI ბანკი და საუკეთესო ციფრული ბანკია ფიზიკური პირებისთვის - Global Finance

კრიმინალური ავტორიტეტი ვატო ყიფიანი და ავთანდილ ბილანიშვილი (კაწრო) დააკავეს