პარლამენტის პლენარულ დარბაზში ერთმანეთს სიტყვიერად საპარლამენტო უმრავლესობის წევრი ზაზა პაპაუაშვილი და „ევროპული საქართველოს“ ერთ-ერთი ლიდერი, გიგა ბოკერია დაუპირისპირდნენ.

ბოკერიამ მმართველი გუნდი ე.წ. ძველ ბიჭებთან ალიანსში დაადანაშაულა.

თავის მხრივ, პაპუაშვილმა ბოკერიას ბოდიშის მოხდა მოთხოვა და შემდეგ პარლამენტის თავმჯდომარეს მიმართა ბოკერია დარბაზიდან გაეძევებინათ.

„მე გთხოვთ, ბატონო თავმჯდომარე,  მე არ ვიცი ეს პროცესი სადამდე შეიძლება მივიდეს, ნურც ნურავის ნერვებს ნუ ვცდით და ნურც ნურავის ასე ვთქვათ, რაღაცნაირად აღქმას იმ რეალობისას რაც ხდება ახლა აქ. მე მოგიწოდებთ თქვენ, აი ამ დეპუტატს, რომელსაც ბოკერია ჰქვია, ადგეს, მოუხადოს კოლეგებს ბოდიში, ეს არის ღირსების საკითხი, ეს არის კოლეგიალობის საკითხი. აი, ასეთი გამოსვლებისთვის, აი, ასეთი ტერმინებისთვის, რაც ისმოდა, რაზეც თვითონ ლაპარაკობენ, რომ ეს არის სიძულვილის ენა, ადამიანების ლანძღვა, ან გააძევეთ, ან მერე და მერე, რაც უფრო მერე მოხდება, პასუხისმგებლობა თქვენ დაგეკისრებათ და იმ ადამიანებს ვინც ამას იტანს. ადგეს, ყველა კოლეგას ბოდიში მოუხადოს აი, ასეთი ტერმინებისთვის, აი, ასეთი სიტყვებისთვის, რომელიც უკადრისია, როდესაც პლენარული სხდომა მიმდინარეობს. და ვინმეს თუ რამე ოდნავ წამოსცდება, არიქა, და ერთ ამბავს ტეხავენ“, - გაანცხადა პაპაუაშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს

უკრაინა და რუსეთი 3000-მდე სამხედრო ტყვეს გაცვლას გეგმავენ

Nvidia-მ დამოუკიდებელი გამოძიება დაიწყო მისი აღმასრულებელი დირექტორის ჩინეთის დაზვერვასთან სავარაუდო კავშირებთან დაკავშირებით

მეუფე იობი -კორუფცია ყვავის საქართველოში, აღებ-მიცემობაა