2019-06-08 16:59:12, 1657 ნახვა
სამართალი
სამტრედიის ქუჩაზე, ერთ-ერთ ბინაში ქალის ცხედარი იპოვეს
თბილისში, სამტრედიის ქუჩაზე, ერთ-ერთ ბინაში ქალის ცხედარი იპოვეს.
როგორც „ექსპრესნიუსს“ შინაგან საქმეთა სამინისტროში განუცხადეს, საგანგებო სიტუაციების მართვის სამსახურში შევიდა შეტყობინება, რომ ბინიდან უსიამოვნო სუნი იგრძნობოდა და კარს არავინ აღებდა.
უწყების ცნობით, ადგილზე მისულმა საპატრულო პოლიციის და სამაშველო სამსახურის თანამშრომლებმა ქალის ცხედარი იპოვეს. გარდა ამისა, ბინაში კიდევ 3 ქალი იმყოფებოდა. მათგან 2 კონტაქტური იყო, 1 კი, უგონო მდგომარეობაში. ისინი საავადმყოფოში გადაიყვანეს.
ადგილზე საგამოძიებო მოქმედებები მიმდინარეობს.
მომხდარზე გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.
ავტორი: ექსპრესნიუსი,
epn.ge (@expressnews.ge)
