2019-06-06 13:00:37, 1263 ნახვა

---

მეზურნიშვილი - ე.წ. ოქროს სიის გაუქმება და ეკონომიკური სუბიექტების თანაბარ პირობებში ჩაყენება სწორი გადაწყვეტილებაა

ნებისმიერი წარმატებული ქვეყნის ეკონომიკური სიჯანსაღის, დივერსიფიცირებულობის და სტაბილურობის გარანტი მცირე და საშუალო ბიზნესია, - ამის შესახებ საპარლამენტო უმრავლესობის წევრმა ირაკლი მეზურნიშვილმა განაცხადა.

როგორც მან აღნიშნა, ეკონომიკისთვის მთავრობის ხელშეწყობა პირველ რიგში სწორედ მცირე და საშუალო ბიზნესისთვის კონკურენტუნარიანი ბაზრის და თანაბარი თამაშის წესების ჩამოყალიბებაში გამოიხატება.

„თუ ჩვენ ვთანხმდებით რომ მცირე და საშუალო ბიზნესი საქართველოს ოქროს ფონდია, მაშინ გაუგებარი იყო თუ რატომ არსებობდა ე.წ. ოქროს სია სადაც ეს საწარმოები საერთოდ არ იყვნენ გათვალისწინებულნი. შესაბამისად, ამ სიის გაუქმება და ყველა ეკონომიკური სუბიექტის თანაბარ პირობებში ჩაყენება ერთადერთ სწორ გადაწყვეტილებად შეიძლება მივიჩნიოთ. ექსკლუზივების ეკონომიკა ვერ ააშენებს ქვეყანას, ამას მხოლოდ ჯანსაღი კონკურენცია შეძლებს“, - განაცხადა მეზურნიშვილმა.

 

 

 

(NS)

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი