ნანა კოსტავა, შესაძლოა, პარტია „კონსერვატორებიდანაც“ გარიცხონ

2019-06-04 15:56:44, 1279 ნახვა

პოლიტიკა

ქუთაისის საკრებულოს თავმჯდომარე ნიკოლოზ ლატარია არ გამორიცხავს, რომ დეპუტატი ნანა კოსტავა პარტია „კონსერვატორებიდან“ გარიცხონ.

როგორც ლატარიამ განმარტა, აღნიშნულის შესახებ ის პარტიის ლიდერს ზვიად ძიძიგურს უკვე ესაუბრა და საკითხზე მსჯელობა იქნება.

„კიდევ ერთხელ ვგმობ ნანა კოსტავას იმ ცნობილ განცხადებას, რომელმაც საზოგადოების გაღიზიანება გამოიწვია. მის ამ განცხადებას ემიჯნება გუნდიც. ჩვენ რა ბერკეტიც გვქონდა საკრებულოს, მან დატოვა ფრაქციის თავმჯდომარის თანამდებობა, ასევე დაატოვებინეს გენდერული საბჭო, სხვა ბერკეტი ჩვენ არ გვაქვს. მე და ზვიად ძიძიგურს არაერთხელ გვქონდა ამის შესახებ საუბარი. გაირიცხება თუ არა კოსტავა პარტიიდან, პარტიის ლიდერები იმსჯელებენ", - განაცხადა ნიკოლოზ ლატარიამ.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან