„პირდაპირი შესყიდვაც და ტენდერიც არის კანონიერი, გამჭვირვალე და სწორი გზა“, - ასე უპასუხა ფინანსთა მინისტრმა ივანე მაჭავარიანმა ჟურალისტების კითხვას, რატომ მოხდა პირდაპირი შესყიდვა 26 მაისს დაგეგმილი ღონისძიებებისთვის და რატომ არ გამოცხადდა ტენდერი.

როგორც მინისტრმა აღნიშნა, 26 მაისი მნიშვნელოვანი თარიღია და შესყიდვის წესზე საუბარი არარელევანტურია.

 “მე მგონი, არასწორი წარმოდგენა გვაქვს იმაზე, თუ რა არის პირდაპირი შესყიდვა. პირდაპირი შესყიდვა არ ნიშნავს იმას, რომ მიდიან და ერთ ადამიანთან აკეთებენ მოლაპარაკებას. მას წინ უძღვის ფასების კვლევა. ეს ერთ-ერთი დაშვებული და კანონიერი გზაა. ზოგ შემთხვევაში ამ გზით წასვლა ხდება, როდესაც ფასების კვოტირებას აკეთებენ და შედარებით სწრაფად მიიღება გადაწყვეტილება. ზოგ შემთხვევაში კი ხდება ტენდერის გზით წასვლა. ორივე არის კანონიერი, გამჭვირვალე და სწორი გზა. ზოგჯერ ასე ხდება, ზოგჯერ – ისე. ამ შემთხვევაში მნიშვნელოვანია თვითონ თარიღი და ის, თუ რაზე იხარჯება ეს ფული. ესაა 26 მაისი. თითოეული უწყება ცდილობს, ამ პერიოდში რაღაც გამორჩეული გააკეთოს და ნამდვილი სახალხო ზეიმი მოაწყოს, რაც არის სწორი სიგნალი. კიდევ ერთხელ უნდა დაფიქსირდეს, რამდენად მნიშვნელოვანი თარიღია. შესაბამისად, შესყიდვის წესზე საუბარი საერთოდ არარელევანტურია“, – განაცხადა ფინანსთა მინისტრმა.

ავტორი: ექსპრესნიუსი,

სოციალური ქსელები

„ტატნეფტის“ უდიდესი ნავთობგადამამუშავებელი ქარხანა დრონებით თავდასხმის შემდეგ მუშაობას წყვეტს

ილია თოფურია ჯასტინ გეიჯს - ეს ისტორია ჩვენს შორის შორსაა დასრულებისგან, ჩვენ გვექნება ჩვენი რემატჩი

ტრამპმა განაცხადა, რომ ირანის შემდეგ ის უკრაინაში ომზე „კონცენტრირდება“.

სქროლვა-სქრინვის (ცენზურის) დეპარტამენტმა სასამართლოებს უკვე 60 საქმე გადასცა