ერევანში მიმდინარე სომხეთ-საქართველოს სამართლებრივი ფორუმი დაიხურა.

ფორუმის დასრულების შემდეგ იუსტიციის მინისტრი თეა წულუკიანი და სასჯელაღსრულებისა და პრობაციის მინისტრი გიორგი მღებრიშვილი სომხეთის პრეზიდენტმა სერჟ სარგსიანმა მიიღო. შეხვედრას ესწრებოდნენ სომხეთის იუსტიციის მინისტრი ჰოვანეს მანუკიანი და საქართველოს ელჩი სომხეთში.

იუსტიციის სამინისტროს ინფორმაციით, შეხვედრის დასრულების შემდეგ წულუკიანმა განაცხადა, რომ სომხეთის პრეზიდენტი მზადაა, საქართველოს სტიქიით გამოწვეული შედეგების ლიკვიდაციაში დაეხმაროს.

ამასთან, სომხეთის პრეზიდენტი მიესალმა პირველ სომხურ-ქართულ სამართლებრივ ფორუმს.

როგორც თეა წულუკიანმა აღნიშნა, სოხეთის პრეზიდენტმა მზადყოფნა გამოთქვა, ხელი შეუწყოს სამართლებრივი ფორუმის განვითარებას.

 „სომხეთის პრეზიდენტმა გამოთქვა მზადყოფნა, ყოველმხრივ ხელი შეუწყოს სამართლებრივი ფორუმის განვითარებას. ჩვენ კარგად უნდა გვესმოდეს, რომ ყველა ძლიერი ქვეყნის უკან მისი რეგიონი დგას, რაც ქვეყნებს პრობლემებთან გამკლავებას უადვილებს. სწორედ ამიტომ აუცილებელია, ძლიერი სამხრეთკავკასიური რეგიონის შექმნას შევუწყოთ ხელი. ეს ფორუმიც ამ პროცესის შემადგენელი ნაწილია“, − განაცხადა თეა წულუკიანმა.

იუსტიციისა და სასჯელაღსრულებისა და პრობაციის მინისტრები სომხეთში ოფიციალური ვიზიტის ბოლოს ეჩმიაძინს ეწვივნენ, სადაც ისინი სომხეთის სულიერმა ლიდერმა მიიღო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

"საუკეთესო ავტოგაქირავების კომპანია აღმოსავლეთ ევროპაში" - Europcar Georgia World Luxury Travel Awards-ის გამარჯვებული მეოთხედ გახდა

XC60 - 110 000 ლარად, XC90 - 145 000 ლარად - „ვოლვო ქარ საქართველოს“ უპრეცედენტო შეთავაზება ფლაგმან მოდელებზე

ამანათების გამოგზავნა ამერიკიდან საქართველოში სპეციალური ტარიფით - საქართველოს ბანკისა და Boxette-ის შეთავაზება

პაპუაშვილი – ჰერჩინსკიმ ტონს დაუწიოს, აგდებული ტონი დატოვოს საელჩოში