2019-05-07 17:25:49, 1905 ნახვა
სამართალი
მალხაზ მაჩალიკაშვილის ძმის შვილი სუს-ში იკითხება
სახელმწიფო უსაფრთხოების სამსახურში მალხაზ მაჩალიკაშვილის ძმისშვილი, მორის მაჩალიკაშვილი იკითხება, - ამის შესახებ უწყების მიერ გავრცელებულ ინფორმაციაშია ნათქვამი.
სუს-ის ცნობით, მორის მაჩალიკაშვილი ბიძის დავალებით ჩართული უნდა ყოფილიყო ტერორისტული აქტის განხორციელებაში.
"სახელმწიფო უსაფრთხოების სამსახურის კონტრტერორისტულ დეპარტამენტში ამჟამად გამოკითხვაზე იმყოფება მალხაზ მაჩალიკაშვილის ძმისშვილი, მორის მაჩალიკაშვილი, რომელიც მალხაზ მაჩალიკაშვილის გეგმის მიხედვით, ჩართული უნდა ყოფილიყო აღნიშნული ტერორისტული აქტის განხორციელებაში", - აღნიშნულია უწყების განცხადებაში.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
