დავით ბაგრატიონის ადვოკატი - სამეფო ოჯახის წევრი მიდის პოლიციაში, გამლახეს, მიშველეთ, ეს მისი სტატუსისთვის შეუსაბამოა

2019-05-07 14:15:41, 1095 ნახვა

საზოგადოება

როცა სამეფო ოჯახის ამბიცია გაქვს, თავი ხომ უნდა დაიჭირო შესაბამისად? - ამის შესახებ დავით ბაგრატიონ-მუხრანსკის ადვოკატმა ლევან ჩხეიძემ განაცხადა.

როგორც მან განაცხადა, მეფე დედოფალზე ძალადობის ფაქტს არ აღიარებს.

„ბატონი დავითი არ აღიარებს ქალბატონი ანას გაცხადებულ ფაქტს, რომ თითქოს ადგილი ჰქონდა მისი მხრიდან ძალადობას. კონსტიტუცია აცხადებს, რომ ყველანი თანასწორი ვართ კანონის წინაშე, მაგრამ ეს ამბიცია შინაგანად როცა გაქვს ადამიანს ცოტა თავი ხომ უნდა დაიჭირო შესაბამისად და ცოტა მოიქცე შენი იმ სტატუსის შესაბამისად, რომელზეც განცხადებას აკეთებ ხომ? როგორ წარმოგიდგენიათ სამეფო ოჯახის წარმომადგენელი მიდის სასამართლოში მანქანის წილი მომეცით, იქ მიდის პოლიციაში გამლახეს მიშველეთ, ჩემს სახელს უნებართვოდ ნუ იყენებენ. ეს იყო აბსოლუტურად შეუსაბამო თვითონ ამ სტატუსისთვის“, - აღნიშნა ადვოკატმა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან