„რა მიიღეთ თქვენ პირადად ბატონო ანრი ამ პროცესიდან გარდა იმისა, რომ ოდესღაც იმ პანთეონის წევრი იქნებით სადაც მურუსიძე და ჩინჩალაძე იქნება?“, - ასე კითხვით მიმართა პარლამენტის დამოუკიდებელმა დეპუტატმა ლევან გოგიჩაიშვილმა იურიდიული კომიტეტის თავმჯდომარე ანრი ოხანაშვილს პლენარულ სხდომაზე, სადაც მოსამართლეების შერჩევასთან დაკავშირებით, მმართველი გუნდის კანონპროექტს მესამე მოსმენით განიხილავენ.

როგორც გოგიჩაიშვილმა აღნიშნა, „ქართულმა ოცნებამ“ ყველა იმ პრინციპს გადაუხვია, რის გამოც ქვეყანაში პირველი ოქტომბერი შედგა.

„მე ვუერთდები კანონპროექტის მოსამედან მეორე მოსმენაზე დაბრუნების იდეას, იმიტომ რომ სამწუხაროდ, ვენეციის კომისიის არც ერთი რეკომენდაცია არ იყო გათვალისწინებული ერთის გარდა და ისიც ძალიან ბუნდოვანი ჩანაწერით არის დაფიქსირებული. ამ გადმოსახედიდან, ეს პროცესი რაც გაიარეთ, რის ფასადაც გაიარეთ, იმ ადამიანების გამო გაიარეთ გუშინ სამარცხვინო ეთერში რომ იჯდა და თავზე კიდევ უფრო მეტ ლაფს ისხამდა? ამათთვის აკეთებთ? რისთვის აკეთებთ ამ ყველაფერს? გინდათ რომ თქვენი სახელი მომავალში ჩინჩალაძესთან და მურუსიძესთან ასოცირდებოდეს? რა არის ამის ფასი უბრალოდ არ მესმის. ამ პროცესში დაზიანდა „ქართული ოცნება“, ჩვენი სახელმწიფო, იმიტომ რომ ყველა იმ პრინციპს გადაუხვიეთ, რის გამოც შედგა ამ ქვეყანაში პირველი ოქტომბერი. რა მიიღეთ თქვენ პირადად ბატონო ანრი ამ პროცესისგან გარდა იმისა, რომ ოდესღაც იმ პანთეონის წევრი იქნებით სადაც მურუსიძე და ჩინჩალაძე იქნება. ეს მიიღეთ ? უბრალოდ მაინტერესებს“, - მიმართა გოგიჩაიშვილმა ოხანაშვილს.

ავტორი: ექსპრესნიუსი,

სოციალური ქსელები

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან