ეკონომიკისა და მდგრადი განვითარების სამინისტროს ტექნიკური და სამშენებლო ზედამხედველობის სამსახურის უფროსი გრიგოლ კაკაურიძე აცხადებს, რომ 2019 წლის ბოლომდე სათამაშოების შესამოწმებლად ტექნიკური რეგლამენტი დაინერგება. 

კაკაურიძის თქმით, სათამაშოები ტყვიისა და სხვა მავნე ნივთიერებების შემცველობაზე შემოწმდება, როგორც სათამაშოების იმპორტირების, ასევე მათი რეალიზაციის ადგილებში.

„ეკონომიკისა და მდგრადი განვითარების სამინისტრო ტექნიკურ რეგლამენტს სათამაშოების შესახებ 2019 წლის ბოლომდე შეიმუშავებს და დანერგავს. ამის შემდეგ, უკვე ტექნიკური და სამშენებლო ზედამხედველობის სააგენტო  ამ პროდუქტების ბაზარზე ზედამხედველობას დაიწყებს. კერძოდ,  ამ სათამაშოების  როგორც ფიზიკური, ასევე დოკუმენტების შემოწმება მოხდება, როგორც იმპორტირების, ისე მათი რეალიზაციის ადგილებში. ზედამხედველობა ნიმუშების აღებას და შემდეგ ლაბორატორიაში გაგზავნას გულისხმობს. იქ მათ  ანალიზი როგორც მძიმე მეტალების, ისე სხვა ტოქსიკური ნივთიერებების გამოსავლენად ჩაუტარდებათ. მოგეხსენებათ, რომ  საქართველოს ევროკავშირთან ასოცირების ხელშეკრულების ფარგლებში ვალდებულება აქვს, რომ სხვადასხვა პროდუქტების ტექნიკურ რეგლამენტებთან აპროქსიმაცია მოხდეს.  ამ ფარგლებში, ჩვენ უკვე ვთარგმნეთ ევროდირექტივა და ტექნიკური რეგლამენტი, რომელიც  ბაზარზე სათამაშოების ზედამხედველობას  უკავშირდება. უახლოეს პერიოდში  ამ დოკუმენტს  გადავაგზავნით და  როგორც დაინტერესებულ უწყებებთან, ასევე ბიზნეს წრეებთან და სხვადასხვა ექსპერტებთან ერთად განვიხილავთ“, - აცხადებს გრიგოლ კაკაურიძე.

ავტორი: ექსპრესნიუსი,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”