2019-04-22 14:08:32, 1993 ნახვა
სამართალი
შს მინისტრის მოადგილეებმა დაშავებული პოლიციელები მოინახულეს
შინაგან საქმეთა მინისტრის პირველი მოადგილემ - კახა საბანაძემ და მინისტრის მოადგილემ - ვლადიმერ ბორცვაძემ პანკისის ხეობაში დაშავებული პოლიციელების მოსანახულებლად, თელავის სამედიცინო დაწესებულებებში იმყოფებოდნენ.
როგორც უწყებაში აცხადებენ, მინისტრის მოადგილეები პირადად დარწმუნდნენ, რომ საავადმყოფოში მოთავსებული სამართალდამცველების მდგომარეობა სტაბილურია და მათ ჯანმრთელობას საფრთხე არ ემუქრება.
ცნობისთვის, სამართალდამცველები იმ დროს დაშავდნენ, როდესაც გუშინ, პანკისის ხეობაში, მოსახლეობის გარკვეული ჯგუფი პოლიციას თავს დაესხა და მათ ჯოხები და ქვები დაუშინა. ინციდენტის შედეგად დაშავდა 55 ადამიანი, მათ შორის 38 პოლიციელი და 17 მოქალაქე.
(NS)
ავტორი: ექსპრესნიუსი,
epn.ge (@expressnews.ge)
