2019-04-16 19:11:13, 1909 ნახვა
სამართალი
„პანორამა თბილისის“ მშენებლობიდან 3 მუშა გადავარდა - ვიდეო
"პანორამა თბილისის" მშენებლობიდან 3 მუშა გადავარდა, - ამის შესახებ ვიდეომასალა სამოქალაქო აქტივისტმა ირაკლი კუპრაძემ გაავრცელა.
კუპრაძის თქმით, ისინი ორ ყრუ კედელს შორის, ნახევარ მეტრიან სივრცეში ჩავარდნენ. ვიდეოკადრებში, რომელიც Facebook-ზე გავრცელდა ჩანს, რომ მუშებს სპეციალური აღჭურვილობა არ ჰქონდათ.
დაშავებულები საავადმყოფოში გადაიყვანეს. წინასწარი ინფორმაციით, მათ სიცოცხლეს საფრთხე არ ემუქრება.
როგორც "ექსპრესნიუსს" შინაგან საქმეთა სამინისტროში განუცხადეს, მომხდართან დაკავშირებით გამოძიება სსკ-ის 240-ე მუხლით მიმდინაროებს, რაც სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
