განათლების, მეცნიერებისა და კულტურის კომიტეტის თავმჯდომარის, მარიამ ჯაშის განცხადებით, ინფორმაცია, რომ გუშინ, კომიტეტმა „ზოგადი განათლების შესახებ“ კანონიდან სიტყვა „ლიბერალურის“ ამოღებას მხარი დაუჭირა, სიმართლეს არ შეესაბამება,

როგორც ჯაშმა განმარტა, კომიტეტი იხილავდა ინიციატივას, რომლის მთავარი, პრინციპული მიზანი ზოგადი განათლების კანონის მესამე მუხლის ბავშვის უფლებათა დაცვის კონვენციის 29-ე მუხლთან დაახლოვებაა.

მისივე თქმით, ლიბერალურ-დემოკრატიულ ღირებულებებზე დამყარებული სამოქალაქო ცნობიერების ჩამოყალიბების ჩანაწერის ამოღებას კომიტეტი მხარს არ დაუჭერს.

„დღეს რამდენჯერმე გაჟღერდა ოპოზიციის მხრიდან კრიტიკა ზოგადი განათლების შესახებ კანონში შესატან ცვლილებებთან დაკავშირებით. პირველ რიგში, მინდა აღვნიშნო, რომ ის ინფორმაცია, რომელიც ვრცელდება, არის აბსოლუტურად შორს რეალობისგან და ვფიქრობ, კოლეგები, რომლებიც აღნიშნულ პოზიციებს ესე მკაცრად აკრიტიკებენ ან შეცდომაში არიან შეყვანილი, ან მიზანმიმართულად ავრცელებენ არაზუსტ ინფორმაციას, ან არ იცნობენ კანონშემოქმედებითი პროცესის პრინციპებს.

მინდა მივამრთო საზოგადოებას, განსაკუთრებით ახალგაზრდებს, სტუდენტებს, ასევე პედაგოგიურ კორპუსს, ჩვენს პროფესორ-მასწავლებლებს, რომელთა მხრიდანაც ასევე არასწორი ინფორმაციის საფუძველზე მოხდა ვფიქრობ საკმაოდ საფუძვლიანი კრიტიკის გაჟღერება. კომიტეტს არ დაუჭერია და არ დაუჭერს მხარს ლიბერალურ-დემოკრატიულ ღირებულებებზე დამყარებული სამოქალაქო ცნობიერების ჩამოყალიბების ჩანაწერის ამოღებას. გუშინ კომიტეტი იხილავდა ინიციატივას, რომლის მთავარი, პრინციპული მიზანი გახლდათ ზოგადი განათლების კანონის მესამე მუხლის დაახლოვება ბავშვის უფლებათა დაცვის კონვენციის 29-ე მუხლთან. თავად პრინციპების დონეზე, რომ ჩვენი კანონმდებლობა კიდევ უფრო დაუახლოვდეს საერთაშორისო მასშტაბით ყველაზე ფართოდ რატიფიცირებულ დოკუმენტს, ვფიქრობ იყო მისასალმებელი. პრინციპების დონეზე ჩვენ მხარი დავუჭერით CRC-ს კონვენციასთან საქართველოს კანონმდებლობის დაახლოვებას და არა კონკრეტულად რომელიმე ჩანაწერის ამოღებას ან ჩანაცვლებას. არა მხოლოდ ჩემი პირადი პოზიცია გახლავთ, რომ უნდა მოხდეს აღნიშნული ჩანაწერის მუხლობრივი განხილვის დროს გადახედვა და ვეწინააღმდეგებოდი აღნიშნული ჩანაწერის ამოღებას, არამედ განათლების სამინისტროს მხრიდან იყო წარმოდგენილი უარყოფით პოზიცია ამ საკითხთან მიმართებაში. იგივე კრიტიკა იყო გაჟღერებული სახალხო დამცველის აპარატის მხრიდან და შესაბამისა, ჩვენი შეთანხმება კომიტეტზე გახლდათ, რომ პრინციპების დონეზე ვუჭერთ მხარს ზოგადი განათლების კანონის მესამე მუხლის კიდევ უფრო დაახლოვებას ბავშვის უფლებათა დაცვის  კონვენციასთან, რომელიც თავად გახლავთ ბავშვის და ზოგადად ადამიანის უფლებათა და ძირითადი ფუნდამენტური თავისუფლებების ერთ-ერთი ძალიან ძლიერი ინსტრუმენტი და მეორე - მუხლობრივი განხილვისთვის, საკანონმდბელო პროცესის შესაბამისად, უკვე მოხდება თითოეული მუხლის და ქვეპუნქტის კონკრეტიზაცია“, - განაცხადა მარიამ ჯაშმა.

ავტორი: ექსპრესნიუსი,

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა