2019-03-07 14:13:11, 1667 ნახვა
კომენტარი
ფრანგიშვილი ახალ ინიციატივაზე: ეს შექმნის რეალურად შესაძლებლობას სერიოზული რეფორმის განხორციელებისთვის
საქართველოს ტექნიკური უნივერსიტეტის რექტორი, ტექნიკის მეცნიერებათა დოქტორი, პროფესორი არჩილ ფრანგიშვილი მთავრობის ახალ ინიციატივას "განათლება - გზა უკეთესი მომავლისკენ" დადებითად აფასებს.
"ძალიან სერიოზული განაცხადია, უპრეცედენტო შესაძლებლობებს აძლევს განათლების სისტემის რეფორმირებისთვის. 6 % მთლიანი შიდა პროდუქტის ნიშნავს ახალ ინფრასტრუქტურას, ტექნოლოგიური ტრანსფერების შესაძლებლობას, ახალი ლაბორატორიული ბაზების შექმნას, საცდელი მეურნეობების გაკეთებას. მოკლედ, ეს არის მთელი სპექტრი იმ სერიოზული, ასე ვთქვათ პროგრესის, რომელიც შეიძლება მოყვეს ამხელა ფინანსირებას. ეს მართლაც უპრეცედენტო შემთხვევაა, აბსოლუტურად მივესალმებით. ეს შექმნის რეალურად შესაძლებლობას სერიოზული რეფორმის განხორციელებისთვის", - განაცხადა ფრანგიშვილმა.
(NS)
![]()
ავტორი: ,
epn.ge (@expressnews.ge)
