2019-03-03 11:25:20, 1787 ნახვა
სამართალი
ბათუმის საავადმყოფოში პაციენტების მნახველებს შორის ჩხუბის შედეგად ორი ადამიანი დაიჭრა
ბათუმში, რესპუბლიკური საავადმყოფოს მიმდებარე ტერიტორიაზე, სავარაუდოდ, პაციენტების მნახველებს შორის ფიზიკური დაპირისპირება მოხდა. არსებული ინფორმაციით, ჩხუბის დროს ორი ადამიანი ცივი იარაღით დაიჭრა.
საავადმყოფოს დირექტორის, მალხაზ ხალვაშის განცხადებით, ერთ დაჭრილს ჩაუტარდა ოპერაცია, მეორეს კი ამჟამად უტარდება.
თვითმხილველების ინფორმაციით, ინციდენტში კიდევ 5 ადამიანი მონაწილეობდა, რომლებმაც მსუბუქი დაიზანებები მიიღეს და სამედიცინო დახმარება არ დასჭირვებიათ, მათივე თქმით, ფაქტზე დაკავებულია 5 პიროვნება.
შსს-ს ინფორმაციით, დაჭრილების სიცოცხლეს საფრთხე არ ემუქრება. საქმეზე გამოძიება სსკ-ის 239-ე მუხლის მესამე ნაწილით მიმდინარეობს, რაც გულისხმობს ხულიგნობას, ჩადენილს ცეცხლსასროლი იარაღის ან იარაღად სხვა საგნის გამოყენებით.
![]()
ავტორი: ,
epn.ge (@expressnews.ge)
