„თბილისი სტარტაპ ბიუროსა“ და თბილისის ღამის ეკონომიკის პროექტის ორგანიზებით, „ტექნოპარკში“ PechaKucha Nights  გაიმართა, რომელზეც ღამის ეკონომიკის განვითარების პერსპექტივებზე ისაუბრეს.

PechaKucha Nights  არაფორმალური, სახალისო შეხვედრების პლატფორმაა,  რომლის ფარგლებშიც, ინოვატორები, მეწარმეები შეიკრიბნენ. მათ ერთმანეთს  იდეები, პროექტები და ნამუშევრები  საპრეზენტაციო ფორმატში  გაუზიარეს.

ღონისძიებას „თბილისი სტარტაპ ბიუროს“ დამფუძნებელი გური ქოიავა და თბილისის ღამის ეკონომიკის განვითარების პროექტის ხელმძღვანელი სერგი გვარჯალაძე დაესწრნენ.

სერგი გვარჯალაძემ ღამის ეკონომიკის განვითრებასთან დაკავშირებით, კიდევ ერთი ახალი პროექტის პრეზენტაცია წარმოადგინა.

„PechaKucha Nights-ის ფარგლებში, წარმოდგენილი იყო საკმაოდ საინტერესო მოხსენებები. ჩვენ ყურადღებით მოვისმინეთ, რადგან ეს ყველაფერი პირდაპირკავშირშია თბილისის ღამის ეკონომიკის განვითარებასთან. ამასთანავე, შეხვედრამ შესაძლებლობა მოგვცა, რომ დამსწრე საზოგადოებისთვის ჩვენი ახალი პროექტი night lab წარგვედგინა. გავიცანით ის ადამიანები, რომლებიც მომავალში შეიძლება ამ ახალი პროექტის მონაწილეებიც კი გახდნენ“, - აღნიშნა სერგი გვარჯალაძემ.

PechaKucha Night - ის მოძრაობა, როგორც ღონისძიებათა სერია,  2003 წელს ტოკიოში დაიწყო, თავდაპირველად,  ის განკუთვნილი იყო  ახალგაზრდა დიზაინერებისთვის საკომუნიკაციო სივრცის შესაქმნელად. PechaKucha Night ახლა უკვე 1000-ზე მეტ ქალაქში მიმდინარეობს.

PechaKucha Night-ზე წარსდგნენ სპიკერები: Wolt - ის გენერალური მენეჯერი საქართველოში ნატალია ხიზანიშვილი; მუსიკის პროდიუსერი და არტისტი დავით ღვაბერიძე; ასტროფოტოგრაფი, Geo-Astro-ის თანადამფუძნებელი დიმიტრი გოდერძიშვილი; ფოტოგრაფი გიორგი შერმაზანაშვილი; Night Pizza-ს მთავარი შეფ-მზარეული ლევან გომშიაშვილი; კომპიუტერული მეცნიერებების პროფესორი ილიას სახელმწიფო უნივერსიტეტში ნანა დიხამინჯია; SMA Craft Bar-ის დამფუძნებელი ნიკიტა შუმაკოვი და ასტრონომი, ილიას სახელმწიფო უნივერსიტეტის აბასთუმნის ასტროფიზიკურ ობსერვატორიის დირექტორი მაია თოდუა.

თითოეულმა სპიკერმა 20 წამის განმავლობაში,  20 სლაიდი წარმოადგინა.

ღონისძიება მხარდაჭერილი იყო საქართველოს ინოვაციების და ტექნოლოგიების სააგენტო / GITA-ს მიერ. მედია პარტნიორები კი  „ინდიგო“ AT.ge, Ambebi.ge, „ბიზნესპრესნიუსი“  და  „რადიო შოკოლადი“ იყვნენ.

(NS)

ავტორი: ,

სოციალური ქსელები

რუსული Yandex-ის საჩივრის საფუძველზე კონკურენციის სააგენტომ Wolt-ისა და Glovo-ს წინააღმდეგ მოკვლევა დაიწყო

მთავრობამ საქართველოს განვითარების ფონდი გააუქმა

მთავრობამ საპატრიარქოს გორის სოფელ ხელთუბანში, ქონება უსასყიდლოდ 99 წლით გადასცა

ძალადობის მხარდამჭერი ძალადობის თანამონაწილეა - ფეხბურთში ქალთა ეროვნული ლიგის თამაში პროტესტის ნიშნად ჩაიშალა