შინაგან საქმეთა სამინისტროს შიდა ქართლის პოლიციის დეპარტამენტის ქარელის რაიონული სამმართველოს თანამშრომლებმა, ჩატარებული ოპერატიულ-სამძებრო და საგამოძიებო ღონისძიებების შედეგად, ქურდობის მცდელობის ბრალდებით, 2 პირი - 1998 წელს დაბადებული მ.ხ. და 1994 წელს დაბადებული ა.ა. დააკავეს.

უწყების ცნობით, მათ მიერ ჩადენილი დანაშაული 4-დან 7 წლამდე ვადით თავისუფლების აღკვეთას ითვალისწინებს.

„გამოძიებით დადგინდა, რომ ბრალდებულები ქარელში, სარკინიგზო მაგისტრალზე, შემდგომი რეალიზაციის მიზნით, ფარულად დაეუფლნენ რელსის დასამაგრებელ 23 საკლემე ჭანჭიკს და შემთხვევის ადგილიდან მიმალვას ცდილობდნენ, რა დროსაც ისინი პოლიციამ დააკავა.

სამართალდამცველებმა მოპარული ჭანჭიკები შემთხვევის ადგილიდან ნივთმტკიცებად ამოიღეს. ორივე დაკავებული ჩადენილ დანაშაულს აღიარებს.

ბრალდებულებმა, ასევე, აღიარეს, რომ მიმდინარე წლის იანვრის თვეში იმავე მაგისტრალზე ფარულად დაეუფლნენ 48 საკლემე ჭანჭიკს, რომლებიც პოლიციამ, მ.ხ.-ს საცხოვრებელი სახლის ჩხრეკისას, ნივთმტკიცებად ამოიღო.

გამოძიება წინასწარი შეთანხმებით ჯგუფის მიერ ჩადენილ ქურდობის მცდელობის ფაქტზე, საქართველოს სსკ-ს 19-177-ე მუხლის მე-3 ნაწილის „ა“ ქვეპუნქტით მიმდინარეობს“, - ნათქვამია შსს-ს განცხადებაში.

ავტორი: ,

სოციალური ქსელები

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა

მოსკოვში დრონების თავდასხმების შედეგად 350-ზე მეტი რეისი გაუქმდა და გადაიდო