საპარლამენტო უმრავლესობის წევრი ეკა ბესელია არ გამორიცხავს, რომ ფარული ჩანაწერების გავრცელების საქმეზე დაკავებულთა რაოდენობა გაიზარდოს.

ამის შესახებ მან გავრცელებულ ფარულ ჩანაწერებთან დაკავშირებით შინაგან საქმეთა სამინისტროში გამართული შეხვედრის შემდეგ განაცხადა.

„შევხვდი მინისტრის მოადგილეს, ქალბატონ ნათია მეზვრიშვილს და კრიმინალური პოლიციის უფროსს, ვისაც მიყავს ეს გამოძიება. შეხვედრის მიზანი იყო ინფორმაციის გაცვლა. ამ დროისთვის რა ინფორმაციაც მივიღე, არის რამდენიმე ადამიანი დაკავებული და საგამოძიებო მოქმედებები გრძელდება. ძალიან მნიშვნელოვანია პირველ რიგში გავაფრთხილოთ ჩვენი მოქალაქეები, იმისთვის, რომ არ მოხდეს ბევრი ადამიანის დანაშაულებრივ ქმედებაში გაუაზრებლად ჩართვა. ამიტომ პირველ რიგში ყველა უნდა გავაფრთხილოთ, უკანონო ჩანაწერის როგორც გავრცელება ისე განხორციელება, ასევე შენახვაც, არის სისხლის სამართლის დანაშაული. რამდენიმე პირია დაკავებული, რომლებსაც შეიძლება არც კი ჰქონდათ გააზრებული და ისე ახორციელებდა ამ ჩანაწერის ან გაზიარებას, ან შენახვას. თუმცა, არიან ადამიანები რომელთა მიმართაც მიმდინარეობს მათი გადამოწმება პოლიტიკური კავშირს თვალსაზრისით. ამაზე გამოძიება ისაუბრებს. არ მინდა მოვლენებს წინ გავუსწრო. არა მხოლოდ თბილისში, არამედ რეგიონებშიც არის რამდენიმე ადამიანი დაკავებული. ეს რაოდენობა, ალბათ გაიზრდება. ჩემთვის მთავარია, რომ ჩვენი მოქალაქეები იყვნენ დაცული ასეთი უკანონო ქმედებებისგან“, - განაცხადა ბესელიამ.

ავტორი: ,

სოციალური ქსელები

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა

მოსკოვში დრონების თავდასხმების შედეგად 350-ზე მეტი რეისი გაუქმდა და გადაიდო