ბრიტანეთის შს მინისტრმა გახარიას მადლობა გადაუხადა ჯეკ შეფერდის დაკავების პროცესში გაწეული დახმარებისათვის

2019-01-25 09:39:16, 1491 ნახვა

სამართალი

საქართველოს შინაგან საქმეთა მინისტრ გიორგი გახარიასა და დიდი ბრიტანეთის შინაგან საქმეთა მინისტრ საჯიდ ჯავიდს შორის, ბრიტანული მხარის ინიციატივით, სატელეფონო საუბარი შედგა.

საჯიდ ჯავიდმა გიორგი გახარიას მადლობა გადაუხადა დიდი ბრიტანეთის ძებნილი მოქალაქის, ჯეკ შეპარდის დაკავების პროცესში გაწეული დახმარებისათვის. მხარეებმა ასევე ისაუბრეს ქვეყნების სამართალდამცავ უწყებებს შორის ურთიერთობის გაღრმავების მნიშვნელობასა და სამომავლო თანამშრომლობაზე.

შეგახსენებთ, რომ 2019 წლის 10 იანვარს, შინაგან საქმეთა სამინისტრომ მიმართა ბრიტანელ კოლეგებს ჯეკ შეპარდზე საერთაშორისო ძებნის გამოცხადებასთან დაკავშირებით. ჯეკ შეპარდზე საერთაშორისო ძებნა 2019 წლის 12 იანვარს გამოცხადდა.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები