ჭყონდიდის მიტროპოლიტმა მეუფე პეტრემ, ყოფილი პრეზიდენტი გიორგი მარგველაშვილი გააკრიტიკა.

წმინდა სინოდის სხდომის დასრულების შემდეგ, ჟურნალისტებმა მეუფე პეტრეს ე.წ. ციანიდის საქმესთან დაკავშირებით  ჰკითხეს და დაინტერესდნენ, რა მოლოდინი ჰქონდა როდესაც ყოფილი პრეზიდენტს დეკანოზ გიორგი მამალაძის შეწყალების თხოვნით მიმართეს.

„ყოფილი პრეზიდენტი არის უპრინციპო და უსინდისო ადამიანი“, - განაცხადა მეუფე პეტრემ.

შეგახსენებთ, რომ დეკანოზ გიორგი მამალაძეს პროკურატურა შორენა თეთრუაშვილის მკვლელობის მომზადებას ედავებოდა. ის საქალაქო სასამართლომ გასული წლის 5 სექტემბერს დამნაშავედ სცნო და 9 წლით თავისუფლების აღკვეთა შეუფარდა.

ამის შემდეგ, დეკანოზის უფლებადამცველებმა პრეზიდენტ გიორგი მარგველაშვილს შეწყალების თხოვნით მიმართეს, თუმცა 27 სექტემბერს, მამალაძემ შეწყალებაზე უარი მიიღო. მაშინ შეწყალების კომისიის თავმჯდომარემ, ზვიად ქორიძემ განმარტა, რომ დეკანოზის საქმე განსაკუთრებული წესით შეისწავლეს, თუმცა კომისიამ პრეზიდენტს დადებითი რეკომენდაცია ვერ მისცა: "გიორგი მამალაძის საქმეს კომისია განიხილავდა განსაკუთრებული წესით, რადგან მას არ აქვს მოხდილი სასჯელის ნახევარი, ამას ითვალისწინებს შეწყალების პროცესის დებულება. ამ წესის თანახმად, კომისიას უნდა ესწრებოდეს სრული შემადგენლობის არანაკლებ სამი მეოთხედი და დადებითი რეკომენდაცია უნდა მიიღოს სრულმა შემადგენლობამ, ანუ ყველამ, ვინც ესწრება კომისიის სხდომას. გიორგი მამალაძის საქმის განხილვისას კომისიის წევრთა სრული კონსენსუსი არ შედგა და პრეზიდენტს, შესაბამისად, დადებითი რეკომენდაცია კომისიამ ვერ მისცა. პრეზიდენტმა კომისიის პოზიცია გაიზიარა".

ავტორი: ,

სოციალური ქსელები

ბოკუჩავა: პრეზიდენტ სააკაშვილის პოსტი უცნაურია, მსგავსმა იმპულსურმა გადაწყვეტილებებმა მიგვიყვანა იქამდე, სადაც ვართ

ევროპარლამენტმა საქართველოზე კრიტიკული ანგარიში მიიღო

საქართველოში დიდი ბრიტანეთის ელჩი საგარეო უწყებაში დაიბარეს

სააკაშვილი: ჩემი თავმჯდომარეობის კანდიდატი არის ნანუკა ჟორჟოლიანი