პროკურატურა მსჯავრდებულ ირაკლი ჩხეიძესთან დაკავშირებით, რომელიც პენიტენციურ დაწესებულებაში 28-ე დღეა შიმშილობს, განცხადებას ავრცელებს.

როგორც უწყებაში აღნიშნავენ, ირაკლი ჩხეიძის მიმართ საქალაქო და სააპელაციო სასამართლოებში სისხლის სამართლის  ორი  სხვადასხვა საქმის განხილვა მიმდინარეობს.

მათი განმარტებით, მსჯავრდებულს საქმეების გაერთიანება და საპროცესო შეთანხმება შესთავაზეს, რომელიც 3-წლიან რეალურ სასჯელს და 3 წლით პირობით მსჯავრს მოიცავდა, თუმცა ჩხეიძემ ამ პირობაზე უარი განაცხადა.

„თბილისის საქალაქო სასამართლოში ირაკლი ჩხეიძის მიმართ არსებითად განიხილება სისხლის სამართლის საქმე, ავტომანქანის სარკეების ქურდობის მცდელობის ფაქტზე, (საქართველოს სსკ-ის 19, 177-ე მუხლის მე-3 ნაწილის „დ“ ქვეპუნქტით გათვალისწინებული დანაშაულის ნიშნებით).

ირაკლი ჩხეიძე 2015 წელს ბრალდებულად დანაშაულის ჩადენის ადგილზე დააკავეს,  აღკვეთის ღონისძიების სახით კი  შეფარდებული აქვს  საპატიმრო გირაო 5000 ლარის ოდენობით.

სააპელაციო სასამართლოში კი მიმდინარეობს სისხლის სამართლის საქმის განხილვა, ირაკლი ჩხეიძის მიერ ნარკოტიკული საშუალების უკანონო შეძენა-შენახვის ფაქტთან დაკავშირებით.  თბილისის საქალაქო სასამართლომ, 2017 წლის 7 ნოემბრის  განაჩენით,  ამ საქმეზე ჩხეიძე  დამნაშავედ ცნო   და სასჯელის სახით  6 წლით თავისუფლების აღკვეთა შეუფარდა. (საქართველოს სსკ-ის 260-ე მუხლის მე-3 ნაწილის „ა“ ქვეპუნქტით). გამამტყუნებელი განაჩენი დაცვის მხარემ  თბილისის სააპელაციო სასამართლოში გაასაჩივრა.

პირველი ინსტანციის სასამართლოში საქმის განხილვისას პროკურატურამ ირაკლი ჩხეიძეს  შესთავაზა საქმეების გაერთიანება და საპროცესო შეთანხმების გაფორმება 3 წლიან  რეალურ სასჯელზე და 3 წლით პირობით მსჯავრზე, თუმცა მან  ამ პირობაზე უარი განაცხადა“, - ნათქვამია პროკურატურის განცხადებაში.

ირაკლი ჩხეიძესთან დაკავშირებით განცხადება დღეს პენიტენციურმა სამსახურმაც გაავრცელა. განცხადებაში ნათქვამია, რომ მსჯავრდებული მედპერსონალის მუდმივი მეთვალყურეობის ქვეშ იმყოფება.

ავტორი: ,

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა