შინაგან საქმეთა სამინისტრომ ქვემო ქართლში, მუსლიმი სასულიერო პირის, ელდანიზ სადიგოვის ცემის ფაქტთან დაკავშირებით ინფორმაციას ავრცელებს.

უწყების ცნობით, მომხდარზე გამოძიება სსკ-ის 126-ე მუხლის 1-ლი ნაწილით მიმდინარეობს, რაც ძალადობას გულისხმობს.

ამასთან სამინისტროში აცხადებენ, რომ სადიგოვმა სამართალდამცველებისთვის ჩვენების მიცემაზე უარი განაცხადა იმ მიზეზით, რომ ყელი ტკიოდა,  პოლიციის შენობა დატოვა და სამედიცინო დაწესებულებაში წავიდა.

„მიმდინარე წლის 5 დეკემბერს ქვემო ქართლის პოლიციის დეპარტამენტის მარნეულის რაიონული სამმართველოს შულავერის განყოფილებაში გამოცხადდა 1976 წელს დაბადებული ე.ს. და განაცხადა, რომ თანასოფლელთან,  1986 წელს დაბადებულმა მ.გ.-თან  მოუვიდა შელაპარაკება და მ.გ.-მ ფიზიკური შეურაცხყოფა მიაყენა.

პოლიციამ მომხდარ ფაქტთან დაკავშირებით დაუყოვნებლივ დაიწყო გამოძიება საქართველოს სსკ-ს 126-ე მუხლის 1-ლი ნაწილით, რაც ძალადობას გულისხმობს. თუმცა, ე.ს.-მ სამართალდამცველებისთვის ჩვენების მიცემაზე უარი განაცხადა იმ მიზეზით, რომ ყელი ტკიოდა,  პოლიციის შენობა დატოვა და სამედიცინო დაწესებულებაში წავიდა. სამედიცინო დაწესებულებაში მისვლის შემდეგ, ე.ს.-მ, მიუხედავად იმისა, რომ მისი განცხადების საფუძველზე უკვე დაწყებული იყო გამოძიება,  112-ზე დამატებით რამდენიმე შეტყობინება გააკეთა მასზე განხორციელებული ფიზიკური ზეწოლის შესახებ.

სამართალდამცველებმა გამოძიების ფარგლებში  უკვე გამოკითხეს პირი, რომელსაც ე.ს. ცემაში ადანაშაულებს და საგამოძიებო მოქმედებები გრძელდება“, - ნათქვამია შსს-ს განცხადებაში.

„რუსთავი 2“-ის ინფორმაციით, ელდანიზ სადიგოვი ფიზიკურ ანგარიშსწორებას მის მიერ სოციალურ ქსელში გავრცელებულ ვიდეომიმართვას უკავშირებს, სადაც ის პოლიციის მიმართ უკმაყოფილებას გამოთქვამდა და მისი სახლის ძარცვაში დამნაშავე პირების დაკავებას ითხოვდა. ამასთან, ტელეკომპანიის ცნობით, სადიგოვის ოჯახის წევრები აცხადებენ, რომ მომხდარის გამო 112-ში ოთხჯერ დარეკეს, თუმცა ადგილზე სამართალდამცველები არ მივიდნენ. ისინი ასევე აღნიშნავენ, რომ მოგვიანებით სოფელ შულავერის პოლიციაში თავად ნაცემი მოლა მივიდა, მაგრამ სამართალდამცველებმა ის არ გამოკითხეს და საავადმყოფოში გადაამისამართეს.

ავტორი: ,

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა