საქართველოში დაკავებული უკრაინის 6 და საქართველოს ერთ მოქალაქის ადვოკატი, გიორგი როსტომაშვილი დღევანდელ სასამართლო პროცესზე დაკავებულების აღკვეთის ღონისძიების, პატიმრობის გარეშე დატოვებას მოითხოვს.

როგორც ადვოკატმა როსტომაშვილმა პროცესის დაწყებამდე ჟურნალისტებს განუცხადა, დაცვის მხარე, ალტერნატივის სახით, გირაოს სანაცვლოდ გათავისუფლების შუამდგომლობასაც დააყენებს.

„ჩვენი მხრიდან საქმეში არსებული მტკიცებულებებიდან გამომდინარე, ფაქტობრივად მტკიცებულება არ არის, აღკვეთის ღონისძიების გარეშე დატოვებას მოვითხოვთ, მაგრამ ალტერნატიული საშუალებაც გვექნება - გირაო. შესაბამისად, შეთავაზებული იქნება გარკვეული თანხა. ჩვენ ალბათ, 5 000 ლარით შევალთ, მაგრამ ამის გადაწყვეტას სასამართლოს მივანდობთ. არანაირი იარაღი მათი საკუთრება არ იყო. დუმილის უფლებით სარგებლობენ, ბრალს არ აღიარებენ. საქმეში ოპერატიული ბუნდოვანი პატაკია წარმოდგენილი, რომლის საფუძველზეც ეს ყველაფერი დაიწყო“, - განაცხადა ადვოკტმა.

შეგახსენებთ, შინაგან საქმეთა სამინისტრომ თბილისში, ლიხაურის ქუჩაზე მდებარე სასტუმრო „გურუსა“ და „ალიანსში“ სპეცოპერაცია ჩაატარა. შსს-ს მიერ გავრცელებული ინფორმაციით, დაკავებულები არიან უკრაინის მოქალაქეები: ო.ნ., რ.მ., დ.კ. ი.კ., ი.ო., ს.კ. და საქართველოს მოქალაქე ლ.ჩ.

ავტორი: ,

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა