დავით ნარმანია: სწორედ მათ მიერ უაზროდ გაკეთებული გვირაბი და ვიწრო გზა გახდა ამ უბედურების მიზეზი

2015-06-14 15:09:57, 442 ნახვა

პოლიტიკა

თბილისის მერის დავით ნარმანიას განცხადებით, მოხალისეების რაოდენობა, რომლებიც გაწმენდით სამუშაოებში ჩაერთვებიან სრულიად საკმარისია.
ამიტომ ნარმანია საზოგადოებას მოუწოდებს, სახლში დარჩნენ და მიმდინარე პროცესებს იქიდან ადევნონ თვალყური.
„მოხალისეების რაოდენობა სრულიად საკმარისია, ამიტომ მოვუწოდებ საზოგადოებას დარჩენენ სახლში და იქიდან ადევნონ თვალი. მინდა მადლობა ვუთხრა ჩვენს თანამშრომლებს ეს გუნდი იმუშავებს იმისათვის, რომ დაეხმაროს ჩვენს თანამოქალაეებს, რომ სრულად გაიწმინოდს ტერიტორია. შემდეგ შევძლებთ ზუსტი ზარალის დათვლას“,-განაცხადა ნარმანიამ.
თბილისის მერის თქმით, ყველაზე მძიმე მდგომარეობა ზოოპარკის მიმდებარე ტერიტორიაზეა და დაზარალებული მოსახლეობის ნაწილი სასტუმროებში გადაიყვანეს.
რაც შეეხება ოპონენტების ბრალდებებს, დავით ნარმანია ამბობს, რომ „სწორედ მათ მიერ უაზროდ გაკეთებული გვირაბი და ვიწრო გზა გახდა ამ უბედურების მიზეზი“.
დავით ნარმანიას, განმარტებით, კვლევის ჩატარებას გეგმავენ, რის შედეგადა ყველაფერი დადგინდება.