გორის პარკში, სავარაუდოდ 14 წლის წინ გატაცებული ბავშვის ცხედრს ეძებენ

2018-11-17 17:43:53, 2295 ნახვა

სამართალი

გორის პარკში საგამოძიებო მოქმედებები მიმდინარეობს. სამართალდამცავები სავარაუდოდ 2004 წელს დაკარგული მოზარდის ცხედრის ადგილსამყოფელს ეძებენ, - ამის შესახებ ინფორმაციას „იმედი“ ავრცელებს.

ტელეკომპანიის ცნობით, ე.წ. ახალ ბაღში ყველა შესასვლელი ბლოკირებულია. დღეს ადგილზე ლევან სამხარაულის სახელობის ექსპერტიზის ბიუროს თანამშრომლებიც იმყოფებოდნენ.

გავრცელებული ინფორმაციით, ცხედრის ადგილსამყოფელი პოლიციას გატაცების საქმის ერთ-ერთმა ფიგურანტმა იაგო ნებიერიძემ მიუთითა. ადგილზე გატაცებული ბავშვის ოჯახის წევრებიც იმყოფებოდნენ, თუმცა ისინი მედიასთან კომენატრს შსს-გან ინფორმაციის დადასტურებამდე არ აკეთებენ.

შეგახსენებთ, რომ იაგო ნებიერიძე გორში 8 წლის ბავშვის, ნანა ბერიაშვილის მკვლელობაშია ბრალდებული. რაც შეეხება 14 წლის წინ გაუჩინარებულ მოზარდს, ამ საქმეზე ნებიერიძეს ბრალი გამოძალვის მუხლით ჰქონდა წარდგენილი.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები