მატარებლის ტექნიკური ხარვეზის და მგზავრის ლიანდაგებში ჩავარდნის გამო მეტრო 2-ჯერ გაჩერდა

2018-11-12 20:27:36, 1617 ნახვა

საზოგადოება

თბილისის მეტროპოლიტენის პირველ ხაზზე მოძრაობა შეფერხებული იყო.

როგორც "ექსპრესნიუსს" თბილისის მეტროპოლიტენში განუცხადეს, შეფერხება ერთ-ერთი მატარებლის ტექნიკურ ხარვეზს უკავშირდებოდა, რომელიც დეპოში გადაყვანას საჭიროებდა.

მათივე ინფორმაციით, მეტროპოლიტენის პირველი ხაზის მოძრაობა დაახლოებით 20 წუთის განმავლობაში იყო გაჩერებული. კერძოდ კი, ვაგზლის მოედნიდან ვარკეთილის სადგურამდე.

ამ ეტაპზე მოძრაობა სრულად აღდეგნილია.

გარდა ამისა, მეტროში კიდევ ერთი ინციდენტი მოხდა. მეტროპოლიტენის ცნობით, ლიანდაგებში მგზავრი ჩავარდა. კომპანიაში აცხადებენ, რომ მგზავრი ცოცხალია და მეტრო მისი ბაქანზე აყვანის გამო გაჩერდა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები