თექაზე მოკლული 20 წლის ანა ნაცვლიშვილის საქმის დღევანდელ სხდომაზე დაცვის მხარემ ალტერნატიული სამედიცინო ექსპერტი, ალექსანდრე გეჯაძე დაკითხა.

ალექსანდრე გეჯაძემ დაადასტურა, რომ გარდაცვლილს 33 ჭრილობა აქვს მიყენებული, თუმცა 9 ჭრილობა იმ დანით მიყენებულ ჭრილობას არ შეესაბამება, რომელიც მთავარ ნივთმტკიცებადა არის წარმოდგენილი. ექსპერტის თქმით, ანა ნაცვლიშვილს ყველა დაზიანება ლადო გრიგალაშვილს შესაძლოა ვერ მიეყენებინა.

ექსპერტის დასკვნა, მოკლული გოგონას მამისთვის, მამუკა ნაცვლიშვილისთვის მიუღებელი აღმოჩნდა. მან აღნიშნული დასკვნა გააპროტესტა. მისი განმარტებით, დაცვის მხარე ბრალდებულის, ლადო გრიგალაშვილისთვის ბრალის შემსუბუქებას ცდილობს.

„ჩემთვის მიუღებელია ექსპერტიზის დასკვნა, რასაც ადვოკატი 8 თვისის განმავლობაში ამბობდა ის თქვა ექსპერტმა. ამისთვის ადვოკატმა მას ფული გადაუხადა. ადვოკატს უნდა, რომ 109-ე მუხლი გადაკვალიფიცირდეს 108-ე მუხლით და ბრალდებულს ბრალი შეუმსუბუქდეს. თუმცა ექსპერტმა კატეგორიული პასუხი ვერ გასცა“, - განაცხადა მოკლულის მამამ.

შეგახსენებთ, რომ თბილისში, თემქაზე 20 წლის ანა ნაცვლიშვილი 2018 წლის 22 თებერვალს მოკლეს. მკვლელობის ბრალდებით ნაცვლიშვილის შეყვარებული, ლადო გრიგალაშვილი დააკავეს. მას ბრალი სსკ-ის 108-ე, განზრახ მკვლელობის მუხლით აქვს წაყენებული, რაც 7-დან 15 წლამდე თავისუფლების აღკვეთას ითვალისწინებს.

ავტორი: ,

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა