თბილისში კრემლის მიერ დაფინანსებული ახალგაზრდა დიპლომატთა ფორუმი 13-14 ოქტომბერს აღარ გაიმართება, - ამის შესახებ ინფორმაცია „საქართველოს რუსი ახალგაზრდების კავშირის“ ოფიციალურ ვებგვერდზე გამოქვეყნდა.

როგორც ორგანიზაციის განცხადებაშია ნათქვამი, ფორუმის გადადების მიზეზი ის "უსაფუძვლო აგრესიაა", რომელიც მედიის და სოციალური ქსელის მომხმარებლების მხრიდან იგრძნეს.

„არავისთვის არ არის საიდუმლო, რომ საქართველოსა და რუსეთს შორის ყველაფერი რიგზეა არაა. 10 წელზე მეტია ორ ქვეყანას გაწყვეტილი აქვს დიპლომატიური ურთიერთობები. არსებობს სხვადასხვა დარგში მომუშავე ადამიანების ურთიერთობების დეფიციტი. ამ სიტუაციაში დამნაშავის ძიება ჩვენი ორგანიზაციის კომპეტენციაში არ შედის. ჩვენ უბრალოდ არ გვინდოდა გულხელდაკრეფილი ვყოფილიყავით და დაგვეიგნორებინა უბრალოდ ხალხის სწრაფვა ნორმალური ურთიერთობების აღსადგენად. ფორუმში მონაწილეობის სურვილი გამოთქვეს, როგორც რუსმა ასევე ქართველმა პოლიტიკურმა მოღვაწეებმა. ცალკეული პირების და მედია საშუალების მხრიდან ფორუმის ორგანიზატორების მისამართით იგრძნობა უსაფუძვლო აგრესია. ასეთ პირობებში, ფორუმის მონაწილეობის უსაფრთხოებას ვერ ვუზრუნველყოფთ. ამიტომ, მივიღეთ გადაწყვეტილება ფორუმის ჩატარება სხვა დროისთვის გადავდოთ. მისი ჩატარების ანონსს კი წინასწარ გავავრცელებთ“, - ნათქვამია განცხადებაში.

ცნობისთვის, რუსეთის ყოფილი პრეზიდენტის დიმიტრი მედვედევის მიერ შექმნილი გორჩაკოვის ფონდის დაფინანსებით, 13-14 ოქტომბერს თბილისში ახალგაზრდა დიპლომატთა ფორუმის გამართვა იგეგმებოდა.

ავტორი: ,

სოციალური ქსელები

სტრიკლენდი დვალიშვილი ნურმაგამედოვის ინციდენტზე - უსმან ნურმაგომედოვი ბ**ის პირდაპირი განმარტებაა

მერაბ დვალიშვილი—ნურმაგომედოვი და მისი მეგობრები უკნიდან დაგვესხნენ თავს

თბილისში, დიდუბეში ცოლ-ქმარი ლიფტში მოკლული იპოვეს

ფიფია - დროა, რუსეთთან მჭიდრო სტრატეგიული კავშირისკენ ნაბიჯი გადავდგათ